2Th 2 | PltULB | STEP | Ankehitriny ny momban’ny fiavian’i Jesosy Kristy Tompontsika sy ny nanangonana antsika iaraka aminy: manontany anareo izahay, ry rahalahy,

2 Thessalonians 2

1 Ankehitriny ny momban’ny fiavian’i Jesosy Kristy Tompontsika sy ny nanangonana antsika iaraka aminy: manontany anareo izahay, ry rahalahy, 2 mba tsy ho mora helingelenina na hihorohoro ianareo, na amin’ny fanahy, na amin’ny hafatra, na amin’ny taratasy izay toy ny hoe ho avy aminay, noho ny vokatry ny fahatongavan’izany andron’ny Tompo izany.

3 Aza avela hisy olona hamitaka anareo na amin’ny fomba ahoana. Fa tsy ho tonga izany raha tsy aorian’ny fahatongavan’ny fianjerana, ary ny lehilahy mpandika lalàna dia aseho, ny zanaky ny fahasimbana. [Fanamarihana: ny dikan-teny taloha sasany dia mivaky hoe: “ary ny lehilahy mpanota dia aseho”]. 4 Izy ilay manohitra sy manandratra ny tenany amin’izay rehetra antsoina hoe Andriamanitra na izay ivavahana. Vokatr’izany, dia nipetraka tao amin’ny Tempolin’Andriamanitra izy ary mampiseho ny tenany ho toy ny Andriamanitra.

5 Tsy tadidinareo ve fa fony izaho niaraka taminareo dia efa niteny ireo zavatra ireo? 6 Ankehitriny fantatrareo inona no mitana azy, mba hisehoany amin’ny fotoana mety irery ihany. 7 Fa ny zava-miafin’ny fandikan-dalàna dia efa miasa, misy olona iray ihany misakana azy ankehitriny mandra-panalana azy teo amin’ny lalana.

8 Avy eo ilay tena mpandika lalàna dia ho aseho, izay hovonoin’i Jesosy Tompo amin’ny fofonain’ny vavany. Ny Tompo dia hitondra azy amin’ny tsy misy dikany amin’ny alalan’ny fisehoan’ny fiaviany. 9 Ny fiavin’ilay tena mpandika lalàna dia noho ny asan’ny Satana miaraka amin’ny hery rehetra, ireo famantarana, ary ireo fahagagana tsy marina, 10 ary miaraka amin’ny fitaka rehetra ny amin’ny tsy fahamarinana. Ireo zavatra ireo dia ho an’ireo izay very, satria izy ireo dia tsy nandray ny fitiavan’ny fahamarinana mba ahavoavonjy azy ireo.

11 Noho izany antony izany dia mandefa asan’ny fahadisoana Andriamanitra mba hinoan’izy ireo lainga. 12 Vokatr’izany dia hotsaraina daholo izy rehetra, ireo izay tsy mino ny fahamarinana fa kosa maka fahafinaretana amin’ny tsy fahamarinana.

13 Fa izahay dia tokony manome fisaorana an’Andriamanitra foana ho anareo, ry rahalahy notiavin’ny Tompo. Fa Andriamanitra no nifidy anareo toy ireo voaloham-bokatra ho an’ny famonjena amin’ny fanamasinana ny Fanahy sy ny finoana ny fahamarinana. [Fanamarihana: ny dikan-teny hafa dia mivaky toy izao: “Fa Andriamanitra dia nifidy anareo hatramin’ny voalohany ho an’ny famonjena]. 14 Izany no niantsoany anareo tamin’ny alalan’ny filazantsaranay mba ahazoanareo ny voninahitr’i Jesosy Kristy Tompontsika. 15 Ka noho izany, ry rahalahy, mijoroa mafy. Tazomy ireo fahamarinana izay nampianarina anareo. Na tamin’ny teny na tamin’ny taratasinay.

16 Ankehitriny aoka i Jesosy Kristy Tompontsika tenany, ary Andriamanitra Raintsika izay tiantsika sy nanome antsika fankaherezana mandrakizay sy ny fahatokisana tsara ho an’ny ho avy amin’ny alalan’ny fahasoavana, hankahery ary hametraka ny fonareo amin’ny asa tsara rehetra sy ny teny.